Psa 123 | YON | STEP | Daane kawini ye yook. O Ewen arimbed dibere oonimaabman, eb yaa ne indob kankoonimain.

Psalms 123

Yook 123

Daane kawini ye yook.

1 O Ewen arimbed dibere oonimaabman,
eb yaa ne indob kankoonimain.
2 Kedi, dabderem yiri dobere deme awinembiridan kuu nub yaa awande bangkandok andenib yi kangkoman yaa wedme meedmimaib areb,
o dabderem yiri dobere deme awinimbiri ye wonong kuu ne yaa awawe kawe andenu yu kangko wonong yaa wedme meedmimaun areb kuu
nub kangkonYariman nub God yaa wedme meedmimaub,
kee kwananuuwe yembed mimyob keende awandaneen kumbed.
3 Nub yaa mimyob keende awande, oYariman, nub yaa mimyob keende awande,
amborom kuu nub yaa kuu yemoonbed daandi yeman kerundiwen kowe.
4 Nub yaa kuu kerengkandanbed damangkandi weng yemoon kamendiwen,
nubbedmo yimin andidanbed nub kuu daandi yeman kerundiwen kui.